Shëndeti në punë & komunitet
Fuqizimi i vendeve të punës si dhe komuniteteve më të shëndetshme
Ky divizion fokusohet në parandalimin dhe promovimin e shëndetit. Këto lloj programesh rrisin produktivitetin, ulin kostot e sigurimeve shëndetësore dhe rrisin kënaqësinë në punë. Edukimi i fëmijëve rreth ushqyerjes së duhur, fitnesit dhe zakoneve të një stili jetese të shëndetshëm i siguron ata një jetë me përfitime shëndetësore. Shëndeti dhe siguria në komunitet ofron një lloj programi mirëqenieje të përshtatur për të ruajtur ose përmirësuar mirëqenien përmes ushqyerjes së duhur, humbjes së peshës, fitnesit dhe edukimit dhe trajnimit parandalues. Këto aktivitete u ofrohen bizneseve dhe shkollave me qëllim promovimin e shëndetit dhe mirëqenies si dhe parandalimin e lëndimeve për punonjësit dhe studentët.
Qendra e Shëndetit në Punë dhe Komunitet synon të përmirësojë shëndetin dhe cilësinë e jetës së komunitetit shqiptar nëpërmjet diagnostikimeve dhe terapive mjekësore, aktiviteteve edukative dhe promovuese, ndërhyrjeve dhe aktiviteteve lidhur me fitnesin dhe ushqimin, si dhe mbështetjen psikologjike, depistimeve dhe terapinë.
SHËNDETI DHE SIGURIA NË PUNË
Shëndeti në punë është një pjesë thelbësore e çdo biznesi. Punonjësit e shëndetshëm dhe të lumtur janë gjithashtu më produktivë, duke siguruar rritje të qëndrueshme për biznesin tuaj. Puna është ajo ku shumica prej nesh shpenzojnë rreth dy të tretat e kohës të ditës, 5 ditë në javë. Nëse nuk ndihemi mirë, si fizikisht ashtu edhe mendërisht, performanca jonë në punë dhe ekuilibri midis punës dhe jetës sonë personale mund të vështirësohen.
Disa nga qëllimet tona përfshijnë uljen e mungesave, përmirësimin e kulturës së kompanisë, rritjen e niveleve të qëndrimit të punonjësve në të njëjtin vend pune si dhe uljen e stresit të tyre. Shërbimet tona synojnë gjithashtu procedurat e sigurisë në punë, ekzaminimet shëndetësore, testet para punësimit dhe programet shumë të nevojshëm të ndihmës për punonjësit, të cilët mbulojnë një gamë të gjerë temash këshillimi si periudhat e tranzicionit të jetës, stresi, periudhat e zisë, depresioni, trajnimi financiar, këshillat ligjore etj. Mos e injoroni rëndësinë e një vendi pune të shëndetshëm dhe të sigurt. Investoni në pasurinë tuaj më të madhe, punonjësit tuaj. Pavarësisht se sa e madhe apo e vogël është organizata juaj, punonjësit tuaj janë pjesë integrale e kompanisë suaj pasi mirëqenia e tyre është jashtëzakonisht e rëndësishme për të ndihmuar nivelet e produktivitetit në vendin e punës.
Shërbimet e ofruara
- Edukimi dhe trajnimi i punonjësve rreth shëndetit dhe sigurisë
- Parandalimi i lëndimeve
- Menaxhimi i lëndimeve
- Ergonomia
- Promovimi i shëndetit dhe buletinet e lajmeve
- Përputhshmëritë rregullatore
- Ekzaminimi i punonjësve dhe monitorimi i shëndetit të punonjësve
- Vlerësimi i stilit të jetesës së punonjësve
- Vlerësimet e mjedisit të punës
- Çertifikimet mjekësore respiratore
- Çertifikimet e aftësisë për punë
- Vaksinimet
- Mjekësia gjatë udhëtimeve
- Audiogramet
- Terapi për reduktimin e stresit
- Këshillim
- Auditimi i politikave dhe procedurave operacionale për sigurinë në punë
- Terapia okupacionale
- Testimi laboratorik i toksikologjisë
- Ekzaminimi i abuzimit me substancat
- Programi i asistencës për punonjësit
- Ekzaminimet për fëmijë
- Trajnim për CPR dhe ndihmën e parë
EKZAMINIMET SHËNDETËSORE
Një kontroll dhe vlerësim i shëndetit të punonjësve përfshin një sërë testesh dhe masash të përdorura për të përmirësuar mirëqenien dhe për të identifikuar rreziqet shëndetësore për stafin. Ekzaminimet shëndetësore të korporatave dhe vlerësimet e shëndetit të punës mund të jenë të dobishme si për punonjësit ashtu edhe për kompanitë për të cilat ato punojnë. Një ekzaminim shëndetësor i korporatës synon të ndihmojë punonjësit të identifikojnë çdo fushë të interesit që lidhet me shëndetin e tyre. Përmes një sërë testimesh dhe pyetjesh, çdo punonjës mund të mësojë më shumë për gjendjen aktuale të shëndetit të tyre. Nga të dhënat që mblidhen nga këto ekzaminime, më pas ofrohen udhëzime për të ndihmuar në zgjedhjet e ardhshme të stilit të jetesës, në mënyrë që secili person të mund të punojë drejt të qenit më i shëndetshëm dhe më i lumtur. Një vlerësim i shëndetit në vendin e punës ndihmon për të identifikuar gjendjen aktuale të shëndetit në një kompani, si dhe mënyrat për ta përmirësuar atë dhe për të rritur produktivitetin, për të ulur mungesat dhe për të kontrolluar kostot e kujdesit shëndetësor si për punonjësit ashtu edhe për organizatën në tërësi. Meqenëse punonjësit e shëndetshëm janë një pasuri e vlefshme për çdo organizatë, kontrollet shëndetësore të punonjësve po bëhen të njohura nga shumë punëdhënës largpamës. Krijimi i një vendi pune më të shëndetshëm mund të përbëjë një sfidë të rëndësishme për punëdhënësit. Megjithatë, kontrollet e rregullta shëndetësore në zyrë dhe programet e rrepta të shqyrtimit shëndetësor të punonjësve mund të rrisin ndërgjegjësimin për çështjet shëndetësore, të identifikojnë problemet dhe të promovojnë një mënyrë jetese më të shëndetshme për të gjithë stafin.
Shëndeti i mirë mund të rezultojë në rritjen e produktivitetit për bizneset, të ardhurat dhe mirëqenien e punonjësve.
Shërbimet e ofruara
- Skolioza
- Kavitetet dentare
- Trajtimi i lëndimeve që lidhen me sportin dhe stërvitjen
- Trajtimi i problemeve muskuloskeletore
- Ekzaminimet fizike
- Ushtrime për pacientet shtatzëna ose pacientët kronikë
- Trajtimi i astmës të induktuar nga ushtrimet
- Analizat laboratorike për të vlerësuar gjendjen e të ushqyerit
- Trajtimet për rigjenerimin e qelizave
- Trajtimet për rigjenerimin e indeve dhe kockave
- Testi gjenetik për sëmundjen celiac
- Testi gjenetik për intolerancën ndaj laktozës
- Testi i intolerancës ushqimore
- Stress test oksidativ
- Analiza metabolike
- Monitorimi shëndetësor
- Vlerësimet e stilit të jetesës
- Testet dhe ekzaminimet shëndetësore
- Trajnime dhe shërbime për shëndetin dhe sigurinë në vendin e punës
- Promovimi dhe edukimi shëndetësor për punëdhënësit
- Trajnim për CPR dhe ndihmën e parë
- Klinikat e vaksinimit
- Promovimi dhe edukimi shëndetësor për shkollat
- Mjekësi udhëtimi
SHËNDETI I KOMUNITETIT
Mirëqenia mendore është një çështje që na prek të gjithëve; prandaj, edukimi dhe mbështetja duhet të jenë të disponueshme për të gjithë komunitetin. Ne ofrojmë një sërë aktivitetesh që përfshijnë mbështetje, ndërgjegjësim dhe mirëkuptim në një hapësirë të sigurt shërimi. Ne e kuptojmë që përpara se të jesh punonjës je një qenie njerëzore dhe se jeta nuk mbaron pas mbylljes së turnit të punës, por se ka shumë gjëra që ndodhin në jetën e secilit, për të cilat ne nuk kujdesemi gjithmonë. Gjetja e ekuilibrit dhe harmonisë së duhur është thelbësore, punonjësit më të lumtur janë më të aftë të kujdesen për familjet e tyre, gjë që i bën ata edhe më produktivë në punë e kështu me radhë, në një cikël. Kjo është arsyeja pse ne i kushtojmë shumë vëmendje programeve tona të ndihmës për punonjësit. Ai mbulon një gamë të gjerë temash si ankesat, menaxhimin e stresit, ekuilibrin punë-jetë, këshillim për divorc, këshillim praktik për çështje ligjore, këshilla financiare, këshillim lidhur me çështjet e substancave toksike, këshillim për ata që ndihen të vetmuar dhe të izoluar, etj. “Origin” është e specializuar në ofrimin e trajnimeve në terren për mirëqenien, seminare dhe workshope. Ne krenohemi me ofrimin e trajnimeve me cilësi të lartë me përmbajtje relevante dhe aktuale që angazhon dhe frymëzon pjesëmarrësit për të krijuar ndryshime pozitive dhe të qëndrueshme në vazhdim: Bashkohuni me ne sot.
Shërbimet e ofruara
- Fitnes
- Të ushqyerit
- Gjumi
- Reduktimi i stresit
- Mbështetje për shkollat
- Programet e asistencës së punonjësve
- Workshope për vetëkujdes
- Trajnimi i menaxherëve
- Ndërgjegjësimi për shëndetin mendor
- Ndërtimi i qëndrueshmërisë
- Rëndësia e pushimit të drekës
- Si të bëheni më aktivë në punë
FITNES
Fitnesi merret me një sërë njerëzish, duke përfshirë ata që tashmë praktikojnë sporte ose aktivitete fizike, ose grupe të tjera që kanë një mënyrë jetese sedentare. Të kesh një lloj aktiviteti të rregullt nuk është gjithmonë e lehtë për ta përshtatur me oraret tona të ngarkuara të jetës, por duhet të jetë, për shkak të efekteve të njohura në shëndetin dhe mirëqenien e përgjithshme. Ne e dimë se të qëndruarit aktiv është një nga mënyrat më të mira për të mbajtur trupin tonë të shëndetshëm. Por a e dini se aktiviteti i rregullt fizik mund të përmirësojë gjithashtu mirëqenien tuaj të përgjithshme dhe cilësinë e jetës? Studimet tregojnë se vetëm një orë aktivitet fizik mund të zgjasë jetën tuaj me tre orë.
Ne propozojmë një gamë të gjerë shërbimesh, për të përmirësuar lëvizshmërinë dhe për t'i dhënë shanse të gjithëve për të gjetur veten, nga klasa joge dhe pilates te aktivitetet sportive me kolegët tuaj, te lojërat dhe sfidat e bazuara në aktivitete, duke e bërë atë më argëtuese, por duke patur sigurinë e të qenit në duart e profesionistëve më të mirë të fushës.
Marrja e këshillave të ekspertëve, ndjekja e seminareve, leximi i artikujve për mirëqenien dhe ndjekja e klasave në grup mund të kontribuojë pozitivisht. Por, për disa, të jesh pjesë e një grupi të madh nuk është aq inkurajuese. Kjo është arsyeja pse trajnimi individual i shëndetit/mirëqenies mund të jetë i dobishëm. Gjithashtu, në "ORIGIN", fiziologët tanë të ushtrimeve klinike (EP) analizojnë aftësinë fizike të klientëve për të ndihmuar në përmirësimin e shëndetit dhe ruajtjen e shëndetit të mirë. EP krijon programe të specializuara për klientët me diabet të tipit 2, sëmundje të zemrës dhe obezitet. Kontaktoni për më shumë informacion.
Shërbimet e ofruara
- Sfida të bazuara në aktivitete
- Gjurmues fitnesi
- Edukimi i vazhdueshëm në lidhje me pasojat e jetës sedentare
- Edukimi në lidhje me përfitimet e ushtrimeve të rregullta
- Testimi i fitnesit
- Programet dhe aktivitetet e sportit, fitnesit dhe ushtrimeve
- Ushtrime dhe stretching në tavolinë
- Trajnim shëndetësor individual
- Ekipe sportive të sponsorizuara nga kompania
- Programe rekreative
NUTRICIONI
Specialistët tanë janë ekspertë në kushtet që lidhen me të ushqyerit dhe gjendjet kronike të lidhura me to. Nutricionistët tanë mund t'i ndihmojnë pacientët të krijojnë plane të përshtatura për të përmbushur qëllimet e tyre shëndetësore dhe për të arritur një peshë të shëndetshme. Dietat inteligjente forcojnë trupin për energji dhe forcë të përditshme, madje mund të parandalojnë sëmundjet dhe të ulin ndikimin e lëndimeve. Nëse keni nevojë për ndihmë në identifikimin e nevojave specifike të dietës, ndihmë në modifikimin e recetave të preferuara, keni nevojë për këshilla për blerjet ose keni ndonjë pyetje, specialistët tanë mund të ndihmojnë. Nëse keni nevojë të shtoni ose humbni peshë, merrni në konsideratë ndryshimin e modelit tuaj të dietës dhe nivelin e aktivitetit fizik për të arritur qëllimin tuaj. Programet e menaxhimit të peshës në "ORIGIN" ju ndihmojnë të arrini në mënyrë të shëndetshme qëllimet tuaja.
Ne ofrojmë gjithashtu edukim mbi ushqyerjen, i cili synon të krijojë qëndrime pozitive ndaj të ushqyerit të mirë dhe të ofrojë motivim për përmirësimin e praktikave të ushqyerjes dhe stilit të jetesës që kontribuojnë në promovimin dhe ruajtjen e nivelit më të mirë të mundshëm të mirëqenies për një individ. Gjithashtu, për të ofruar njohuri dhe aftësi adekuate të nevojshme për të menduarit kritik në lidhje me dietën dhe shëndetin, në mënyrë që individi të mund të bëjë zgjedhje ushqimore të shëndetshme nga një furnizim ushqimor gjithnjë e më i pasur.
Gatimi dhe ushqyerja e shëndetshme mund të jenë shumë argëtues dhe ndërveprues, në klasat tona demonstruese të gatimit, ku ju merrni përvojë praktike ndërsa mësoni aftësi dhe merrni informacione të vlefshme. Gjithashtu, ne mundësojmë shikimin e të ushqyerit nga këndvështrime të reja, në klasat tona intuitive të të ushqyerit. Zgjeroni botëkuptimin tuaj me specialistët më profesionistë të cilët ofrojnë një përzierje të kulturës perëndimore dhe lindore, për rezultate më të mira. Në çdo kohë laboratori dhe mjekët tanë janë në dispozicionin tuaj.
Shërbimet e ofruara
- Demonstrimet e gatimit të shëndetshëm
- Vizita e parë ushqyese
- Edukim i të ushqyerit të ndërgjegjshëm
- Planifikimi i të ushqyerit dhe edukimi i pacientit
- Workshop nutricioni
- Trajtimi i aktivizimit metabolik
- Trajtimi i stresit oksidativ
- Edukim intuitiv i të ushqyerit
- Trajtim detoksifikimi
- Programet e menaxhimit të peshës
- Teste nutrigjenetike
- Edukimi dhe aktivitete rreth të ushqyerit
GJUMI
Të gjithë e vlerësojnë një gjumë të mirë gjatë natës. Të kesh një higjienë të mirë të gjumit nuk është një luks, por është kërkesa minimale për një ditë produktive, pavarësisht nga aktivitetet tona. Kjo është arsyeja pse ne ofrojmë specialistët dhe mjetet e duhura për të mësuar më shumë rreth gjumit, mënyrat për ta përmirësuar atë, si të reduktoni mungesën e gjumit, të rrisni sasinë e gjumit cilësor dhe të keni zakone të shëndetshme të gjumit.
Shërbimet e ofruara
- Ekzaminimet e gjumit
- Edukimi i gjumit
- Historia dhe vlerësimi i gjumit
- Pyetësorët dhe intervistat e gjumit
- Gjurmimi i gjumit përmes pajisjeve që vishen
- Metodat e përmirësimit të gjumit (ritualet e kohës për tu shtrirë, banjat e ngrohta, drita e dobët, orari konsistent i gjumit, muzikë e lehtë, etj.)
REDUKTIMI I STRESIT
Të kesh stres në jetën përditshme është diçka të cilën të gjithë e kemi hasur. Ndërsa ne mund të përpiqemi ta zhdukim atë, nuk është gjithmonë e mundur, dhe kjo është arsyeja pse të mësuarit se si ta menaxhojmë dhe ta përballojmë atë mund të jetë një pikënisje e shkëlqyer si dhe një qëllim më realist. Stresi është një nga sfidat më të zakonshme me të cilat përballen punonjësit. Kur stresi bëhet kronik, ai mund të ketë efekte të rrezikshme në shëndetin dhe mirëqenien e një punonjësi. Gjithashtu, stresi i pakontrolluar mund të ketë pasoja katastrofike në vendin e punës. Punonjësit e stresuar shpesh kanë probleme të përqendrohen, luftojnë për të qëndruar produktivë dhe janë të ndjeshëm ndaj burnout (kolapsi fizik ose mendor). Për fat të mirë, punëdhënësit mund të trajtojnë stresin në vendin e punës dhe të ndihmojnë në uljen e pasojave të tij në zyrë. Një nga mënyrat më të mira për ta bërë këtë është ofrimi i programeve të menaxhimit të stresit në vendin e punës. Misioni i Programit të Menaxhimit të Stresit të ofruar nga “ORIGIN” për kompani të ndryshme pavarësisht nga numri i punonjësve, është të nxisë mirëqenien individuale dhe të komunitetit duke energjizuar klimën e punës, përmirësuar marrëdhëniet dhe duke maksimizuar pikat e forta personale.
Gjatë këtij programi, trajnerët tanë ekspertë ofrojnë këshilla dhe truke të posaçme për trajtimin e stresit, të cilat do t'i ndihmojnë pjesëmarrësit të identifikojnë shenjat e stresit dhe çështjet e tjera të shëndetit mendor, të vlerësojnë aftësitë e tyre në praktikat dhe teknikat e menaxhimit të stresit dhe t'i lejojnë ata të reduktojnë dhe trajtojnë stresin, të përmirësojnë produktivitetin dhe zhvillonë mirëqenien personale në mjedisin e punës.
Programi i trajnimit për menaxhimin e stresit do të ofrojë edukim, terapi konjitive të sjelljes, të quajtur edhe terapi bisede, ditar dhe teknika të ndërgjegjes për t'ju ndihmuar të menaxhoni më mirë emocionet tuaja dhe të zhvilloni një përgjigje më të shëndetshme ndaj rrethanave që janë jashtë kontrollit tuaj. Gjithashtu, përfshirja në aktivitete sociale si klubet e librave ose klasat e pikturës mund t'i ndihmojë punonjësit të ndihen më të lidhur me njëri-tjetrin, të zbulojnë talente të reja të përbashkëta që nuk e dinin se i kishin dhe ta shohin njëri-tjetrin në një këndvështrim tjetër. Janë të disponueshme seanca javore, individuale dhe sesione në grup, për punonjësit ose njerëz të tjerë. Puna për reduktimin e stresit mund të jetë e ndryshme për njerëz të ndryshëm dhe ne sigurohemi që të kemi zgjidhje të përshtatura për çdo individ, për të qenë më efektiv.
Shërbimet e ofruara
- Meditim
- Teknikat e frymëmarrjes
- Klubet dhe aktivitetet sociale
- Këshillim psikologjik
- Çrregullimet e përshtatjes dhe fazat e tranzicioneve gjatë jetës
- Alkooli dhe çrregullime të tjera të lidhura me varësinë nga substancat
- Ankthi
- Dhimbje kronike dhe paaftësitë fizike
- Depresioni
- Këshillim për humbjen e personave të afërt
- Këshillim financiar
- Këshilla ligjore
- Vetëvlerësimi
- Menaxhimi i stresit
- Klasat e pikturës
- Terapia me kafshë shtëpiake
- Mbajtja e ditareve
- Programe dhe këshillim për lënien e duhanit
- Fushata për ndryshimin e sjelljes
MBËSHTETJE PËR SHKOLLA
Shkollat janë institucione thelbësore për të ardhmen e shoqërisë. Investimi në shkolla është investim në mirëqenien e brezave të ardhshëm. Në këtë mënyrë, ne ndihmojmë të formojnë jo vetëm profesionistët e ardhshëm, por mbi të gjitha qytetarët e ardhshëm. Shërbimet tona ofrojnë mbështetje gjithëpërfshirëse, duke promovuar një klimë pozitive në trajtimin e çështjeve shumë të ndjeshme si bullizmi, menaxhimi i konflikteve dhe zgjidhja e problemeve. Nëse keni një shqetësim në lidhje me përparimin, aftësitë sociale, sjelljen ose ndonjë aspekt tjetër të zhvillimit të një studenti të caktuar, ne jemi të lumtur t'ju ndihmojmë profesionalisht. Edukimi shëndetësor në shkollë është procesi i transferimit të njohurive shëndetësore gjatë shkollimit të një nxënësi. Edukimi shëndetësor mbulon vazhdimësinë nga sëmundjet, parandalimin dhe promovimin e shëndetit optimal deri te trajtimi, rehabilitimi dhe kujdesi afatgjatë për zbulimin e sëmundjes. Promovimi i shëndetit në një mjedis shkollor mund të përkufizohet si çdo aktivitet i ndërmarrë për të përmirësuar dhe/ose mbrojtur shëndetin e të gjithë përdoruesve të shkollës. Ne synojmë t'ju frymëzojmë dhe t'ju ndihmojmë në punën tuaj për të përmirësuar jetën e të gjithë të rinjve tanë. Qasja e mbështetjes për shkollat ka të bëjë me ofrimin e mbështetjes praktike për nxënësit dhe stafin në të gjitha fazat e karrierës së tyre. Ne punojmë ngushtë me shkollat, kolegjet, institucionet për edukimin gjatë viteve të hershme dhe akademitë për të mbështetur drejtuesit e lartë, stafin e tyre dhe të rinjtë që kanë nevojë për kujdes.
Konsultimet e rregullta në shkolla, qofshin këto në bazë javore, mujore, afatgjata ose në intervale të tjera periodike, mund të përdoren për të diskutuar çështjet që i shkaktojnë shqetësim nxënësve, si dhe për t'u takuar me prindërit dhe studentët. Natyra e rregullt e vizitave i lejon stafit të “ORIGIN” (Psikolog, Punonjës Social, Specialistë për individë me nevoja të veçanta) të krijojë një marrëdhënie e cila forcohet me kalimin e kohës, duke rritur kështu efektivitetin e seancave.
Shërbimet e ofruara
- Këshillim psikologjik për bullizmin
- Këshilltarët e karrierës
- Klasa individuale për lëndë të veçanta
- Tutorimi
- Shërbimet e punonjësve socialë
- Edukimi për fëmijët
- Edukimi për mësuesit
- Mbështetje për prindërit
- Zhvillimi i aftësive komunikuese
- Veprimtaritë jashtëshkollore