Dermatologji

DERMATOLOGJIA merret me diagnostikimin, parandalimin dhe trajtimin e patologjive të lëkurës në të gjitha moshat.

Fusha e saj përfshin:

• Dermatologjinë Pediatrike – Kujdes i specializuar për sëmundjet e lëkurës te fëmijët
• Sëmundjet kronike të lëkurës – Menaxhimi i patologjive afatgjata si psoriaza dhe dermatiti atopik
• Diagnostikimin e patologjive malinje – Zbulimi dhe trajtimi i  kancerit të lëkurës
• Trajtimin e problemeve të thonjve,  flokëve dhe mukozës orale.
• Menaxhimin e infeksioneve gjenitale dermatologjike

QASJA JONË

Ekipi i specialistëve tanë ofron trajtime të personalizuara, duke kombinuar kujdesin mjekësor me një fokus në mirëqenien estetike të pacientëve. Përveç Dermatologjisë Klinike, klinika jonë është një pikë referimi për:

• Dermatologjinë Estetike – Procedura  për përmirësimin e pamjes së lëkurës
• Kirurgjinë Dermatologjike –  Ndërhyrje për trajtimin e patologjive  të ndryshme të lëkurës
• Parandalimin dhe trajtimin e kancerit të lëkurës

SHËRBIMET DERMATOLOGJIKE

Dermatologjia kozmetike

Ofrojmë trajtime estetike për përmirësimin e  pamjes së lëkurës dhe trajtimin e shenjave të plakjes:

• Piling kimik – Për rinovimin dhe  ndriçimin e lëkurës
• Injeksione Botox – Për reduktimin e rrudhave dhe linjave të mimikës
• Injeksione me filler (mbushës kozmetik) – Për shtimin e volumit  dhe konturimin e fytyrës
• Skleroterapia – Për trajtimin e venave  të vogla dhe teleangiektazive (kapilarëve të dukshëm)

Terapia me lazer

Lazeri është një teknologji e avancuar që ofron zgjidhje efektive për një sërë problemesh dermatologjike. Me këtë metodë trajtojmë me sukses:

• Shenjat nga aknet (acne scars) –  Përmirësim i strukturës së lëkurës
• Rigjenerimi i lëkurës – Në zonat e qafës, kraharorit dhe duarve për një pamje më të re
• Melasma – Reduktim i njollave të errëta në fytyrë
• Lezione pigmentare të lëkurës – Për eliminimin e njollave të errëta kudo në trup
• Heqja e tatuazheve – Me rezultate të shkëlqyera dhe pa shenja
• Trajtimi i rrudhave – Veçanërisht në zonën rreth syve dhe ballit
• Çikatricat kirurgjikale – Zbutje dhe reduktim i tyre
• Keratozat aktinike – Trajtimi i dëmtimeve të lëkurës nga dielli