KARRIERË

Një karrierë në Poliklinikën Barleti është më shumë se një punë – është një mundësi për të bërë ndryshim të vërtetë.

Këtu, çdo profesionist bëhet pjesë e një ekipi që ndan të njëjtin mision: kujdesin ndaj jetës. Me pasion, përkushtim dhe vendosmëri, ne punojmë çdo ditë për të sjellë shërbime shëndetësore me standarde bashkëkohore dhe për t’u ofruar pacientëve tanë përvojën më të mirë të mundshme.

Bashkohu me ne dhe bëhu pjesë e një vizioni që shkon përtej kufijve të zakonshëm të punës – një vizion që ka në qendër njeriun dhe jetën.

Kush Jemi

Në Poliklinikën Barleti, profesorët e Fakultetit të Mjekësisë së Universitetit Barleti punojnë krah për krah me mjekë dhe staf mbështetës për të ofruar kujdes shëndetësor cilësor dhe të plotë në të gjashtë njësitë tona. Ekipi ynë përfshin profesorë të shquar, kërkues shkencorë, mjekë, infermierë dhe profesionistë të tjerë, të cilët bashkojnë ekspertizën dhe përkushtimin e tyre për të garantuar një përvojë të shkëlqyer për çdo pacient. Ne jemi mjekë, profesorë dhe studiues që punojmë së bashku për të sjellë shëndet më të mirë dhe kujdes me standarde bashkëkohore.

Po rritemi

Bëhu pjesë e ekipit të Poliklinikës Barleti.

Çfarë pozicioni po kërkon?

Pozicionet e hapura aktualisht

Pozicione Administrative

Pozicione të hapura

Pozicione në Kujdesin Shëndetësor

Pozicione të hapura

This is the title

This is the title

    PROCESI I REKRUTIMIT

    Procesi i rekrutimit në Poliklinikën Barleti fillon me plotësimin e aplikimit online, i disponueshëm më poshtë dhe në faqen tonë të internetit, sa herë që pozicionet janë të hapura.

    Vetëm kandidatët që përmbushin kriteret e pozicionit ftohen për intervistën e parë. Ata që kalojnë me sukses këtë intervistë ftohen për një intervistë të dytë me drejtuesit e departamenteve përkatëse.

    Pas përfundimit të intervistës së dytë, kandidatët e suksesshëm ftohen për nënshkrimin e kontratës dhe bashkohen me ekipin tonë të përkushtuar dhe të suksesshëm.

    KULTURA, BESIMI DHE TRANSPARENCË

    Në Barleti Medical Group, krijojmë më shumë se një vend pune – kultivojmë një ambient ku secili punonjës ndjen se i përket dhe kontribuon me vlerë. Bazuar mbi profesionalizmin, integritetin dhe transparencën, ne ndërtojmë marrëdhënie të forta besimi brenda ekipit dhe me komunitetin që shërbejmë.

    Ne besojmë në barazinë dhe diversitetin: çdo punonjës trajtohet me respekt, pavarësisht gjinisë, moshës, përkatësisë etnike apo aftësive të veçanta. Mbështesim zhvillimin profesional përmes trajnimeve dhe edukimit të vazhdueshëm, dhe inkurajojmë një dialog të hapur, ide të reja dhe bashkëpunim efektiv.

    Transparenca dhe drejtësia janë parime themelore: të gjitha vendimet tona ndërtohen mbi standarde të larta etike, duke shmangur çdo konflikt interesi dhe duke garantuar menaxhimin e përgjegjshëm të burimeve të Grupit. Nuk tolerojmë korrupsion, rryshfet apo abuzime, dhe veprojmë gjithmonë në përputhje me ligjin dhe praktikat më të mira profesionale.

    Kultura jonë bazohet në kujdes, respekt dhe përkushtim, duke e bërë Barleti Medical Group një vend ku punonjësit mund të japin maksimumin e tyre dhe të kontribuojnë në shëndetin dhe mirëqenien e komunitetit.

    Paketa e Përfitimeve – Kompensim konkurrues dhe avantazhe të shumta

    Përfitimet që rriten me ju

    Ndërsa karriera juaj zhvillohet, paketat tona të përfitimeve dhe kompensimit janë të dizajnuara për t’u përshtatur me nevojat tuaja aktuale dhe për të parashikuar ato që do t’ju duhen në të ardhmen. Ne besojmë se kur Barleti Medical Center kujdeset për ju, ju mund të kujdeseni më mirë për pacientët tanë.

    Përfitimet Tuaja në Barleti Medical Group

    Ne kujdesemi që karriera juaj të zhvillohet në një ambient profesional, fleksibël dhe shpërblyes. Për këtë, punonjësit tanë gëzojnë një paketë përfitimesh të plotë dhe konkurruese:

      • Leje e paguar – përfshin ditë pushimi, raportet mjekësore sipas Kodit të Punës, dhe festat zyrtare, duke siguruar kohë të mjaftueshme për rikuperim dhe balancë mes jetës personale dhe profesionale.
      • Mjedis pune fleksibël – mundësi për orar fleksibël dhe turne të alternuar nga e hëna në të shtunë, për të mbështetur efikasitetin dhe mirëqenien tuaj.
      • Zbritje dhe përfitime për punonjës dhe familjarë të afërt – për shërbime shëndetësore brenda Barleti Medical Group, duke siguruar akses të lehtë dhe të përballueshëm për ju dhe të dashurit tuaj.
      • Rritje profesionale – përfshin programe trajnimi dhe mundësi edukimi, si dhe zbritje 10–30% për fëmijët e punonjësve që studiojnë në Universitetin Barleti.
      • Bonus dhe shpërblime bazuar në performancë – përfshin bonuse vjetore dhe përfitime të tjera të lidhura me performancën individuale dhe atë të ekipit tuaj, duke vlerësuar kontributin tuaj aktiv.
      • Trajnime, edukim dhe konferenca të vazhdueshme – mundësi për t’u përditësuar me zhvillimet më të fundit dhe praktikat më inovative në fushën e kujdesit shëndetësor, duke forcuar aftësitë dhe ekspertizën tuaj profesionale.

    Vlerat tona

    Vlerat tona janë udhërrëfyesi drejt realizimit të misionit dhe vizionit të Barleti Medical Group. Ato përcaktojnë sjelljen e pritshme të të gjithë punonjësve gjatë ekzekutimit të detyrave të tyre. Performanca matet sipas këtyre parimeve:

    Profesionalizmi dhe Kujdesi

    Pacientët janë në qendër të çdo veprimi tonë. Ne kujdesemi për ta dhe i trajtojmë me profesionalizëm, mirësjellje dhe dinjitet. Krijojmë një ambient pune ku kujdesi për pacientin shtrihet jo vetëm tek nevojat fizike, por edhe tek ato sociale, shpirtërore dhe emocionale.

    Integriteti dhe Transparenca

    Qëllimi ynë është të jemi zgjedhja e parë dhe më e besueshmja për çdo pacient, duke ndërtuar një marrëdhënie të ndershme dhe të bazuar në besim të plotë me secilin prej tyre. Ne synojmë të radhitemi në zemrën e pacientit dhe për këtë arsye angazhohemi të mbajmë premtimet tona në çdo nivel, për të konsoliduar dhe forcuar vazhdimisht marrëdhëniet e besimit.

    Bashkëpunimi

    Secili anëtar i stafit punon së bashku me të tjerët, duke shfrytëzuar pikat e forta individuale për të arritur rezultate më të mira se ato që mund të arriheshin veçmas. Komunikimi është i hapur, i qartë dhe i drejtpërdrejtë. Pacientët përfitojnë nga një ekip i koordinuar, që operon me efikasitet dhe profesionalizëm.

    Përkushtimi dhe Zhvillimi Profesional

    Të gjithë punonjësit pritet të jenë profesionistë në rolet e tyre. Stafi ynë kërkon vazhdimisht njohuri dhe përvojë të reja për të përmirësuar shërbimet që ofrojmë. Ne angazhohemi në zhvillimin e aftësive profesionale dhe edukimin e vazhdueshëm, për të siguruar ofrimin e shërbimeve më moderne dhe efektive për komunitetin.